Mundord-Sred

[Eckes]

Endlich is suweid, dorauf hob iech scho Johre gward. In den sred do miss ma oba aa aweng des neiasda Bareida Gradsch und Gwaaf ausdauschn. Zum Beischbill wenns in da Neia Heimad drom nochds widda Rambazamba gem hod und sa widda die Scheim vo die Audo neigschmissn ham, oda wenn drundn am Josephsblodz widda mol zwaa Audofora gleichzeidich gmaand ham sie häddn Voafoad. Oda wenn da Daubnzichdaverein an neia Voaschdond hod, wall da alde des Geld nua su mid die volln Hend ausgebn hod, obwull scho Johra kaans mea do is. Oda wenn da Ongl Kunz amol widda des Nochds aufm Mainbängla hindern Schdadion gschloofn hod, wall a su besuffn woa, dass a nimma haam gfunna hod, und dann häd nan vielleichd nu sei Fraa daschlogn. Oda wo sa widda ihra neiasdn Blidza noschdelln denn, wenn da oarchlose Mo in da Frie auf die Erbad foan will und aweng zu schbeed dro is.

[Eckes]

Wos nadirlich aa nuch felld, is da Elvis-Sred. Do ko dann jeda vo seina schensdn Begechnung mitn Bareida Originol vazilln, oda mia machn glei nu an Sred auf, hald Bareida Originole: do gheerad dann da Elvis nei, oba aa da Hackers Hans vo da Brauerei Becher oda da Mo, der ieber Johre hinweg drum am Margd ghockd is mit seina Fleedn in da Hend und seina Scheiglabbn, der imma des selba Lied gschbild hod an ganzn Doch lang und die Leid su gnervd ... ääh beglüggd hod wolld iech sogn. Iech glaab, der is middlawaaln owa gschdorm.
Wer aa nuch do nei gheerad is da Goetschls Ewald vo Sangd Schorsch und sei Fraa Hansi. Oda nadirlich mei Freind Hoffmanns Hans vo Destubn, middlawaaln ja aa scho gschdorm.

[Mitch BT]

Vorhin worr übrigens auf der Maawelln dro, dass laud Schdadisdigg fimpf Unfäll bassiern in Baraid, omm Dooch fei, gell! Und die meisdn davo middn in der Oldschdod, wie scho ewich omm Freiheidsblodz, do grachds ofd. Und schuld worrn jedzmoll die Linggsabbiecher.

Iech mechad des edz obba ned bolidisch verschdandn wissn, obba indresand iss fei drodzdem, gell!

[DI STEFANO]

HIIILLLFFEEE....hälfd ma hald aana

[Eckes]

Jaja da Freiheidsblodz wor scho zu meina Zeid a unfalldrechdicha Schdell. Wos miech na wunnad is, dass bisher nuch kaana nei dei Scheim vo denn Audohaus do neigfoan is, wall des däd sich doch su schee obiedn. Kummsd drom vo da Schefflschdross, willsd as Grien bein lings Abbiegn nu dawischn, bisd a bissla zu schnell dro, vielleichd no aweng Gloddeis in da Kurvn drin un scho is bassierd.
Iech hob ja vor an Joa ungfehr scho amol drin bei denn Audohaus ogrufn, und gsochd dei solln Owochd gem, dass sa do hinda dera Scheim joa kaana zu deian Fohrzeicha noschdelln, sonnern aweng des alda Graffl, so an Gebrauchdwogn Baujohr 88 vielleichd, wall es wär schod ums neia Audo, wenn do aana mid Vollkaracho neigrachad.
Die worn aweng vawunnad, oba iech hob dann nuch gmaand, dass sa vielleichd su - iech hob des amol in Fernseng gseng do in Irag - Bedongblegg davoa aufschdelln solldn, Rodbloggs oda wie des neideidsch haaßd. Dei ham dann oba bluss gmaand "guda Mo, wei sichdn des aus", dann hob iech gemaand, wie des aussichd is doch worschd, haupdsach des erfilld ann Zwegg.
Ma maand bluss, dei waddn bluss auf so an Bleedn, der do neifehrd und dann kassiern sa die Vasicherungssumme für su aa Audo, des sunsd in hunnad Johrn kaana kaafad in unnern schenn Baraid.
Drum soch ich etzadla imma zu meina Kinna, gebd obochd, denn "fehrsd du durch die Scheffelschdross (nunda zun Freiheidsblodz maan ich etzad), gib obochd, do is die Schdross ofd noss!"
"Denn wennsd ned obochd gibsd is schnell bassierd, su schnell schausd ned, hosd des Audohaus rassierd"

[Gundolf]

Mir fall´n die Wordde

[Wigo]

obochd, semft is des aanzicha Word des im Oberfrängischn mit hattn t gschprochn werd.

[martinez]

gschbrochn fielleichd, oba gschriem ned und scho goar ned in dem sred...

[sam]

Ein haddes "d" wenn iech in dem Sred do find, dann iss obber der Deifl lus!

[Wigo]

semft semft semft semft

[Hecke4Life]

Des muss jedz obber genau su a gelba kaddn gehm...ich hob ja schließlich a ana grichdd!

[Wigo]

des gieht dich gornix o gunger

[martinez]

mir genndadn ja a die bludgrädschn (virduell) ausbaggn. dudd ned weh, macherd oba an haidn schbass

[sam]

Wigo: GELBE KADDN!

[Hecke4Life]

@ Wigo: Ich würdd a weng aufbassen wosda sogst! Sonst kumm ich amol nieber!!