Forumssprache

[martinez]

maand ihr ebba denn ardiggl do:

[Eckes]

Etzadla wills vielleichd sei Bruda iwernehma, den hams letzdas Joa bensionierd. Do wo aa widda on Freidoch a Ardiggl in unnern Keesbleddla drin...

Den will i fei haam, den mußd ..... wie haast des.....sgenna. Iech hobs doch scho so vermissd, des guuda Bier vom Gedschl.

De guda Mo will des ganza Ding saniern und su wie iech des glesn ho die Brauonloch kombledd erneian un die alda Baggschdubn hindn naus aa. Außadem will er ongeblich a boa Wohneinheiden für olda Leid un Behinade in den Haus schdelln, froch mi ned wu genau der maant, obwull des Haus gressa is als ma aufn erschdn Bligg maand. De ganza Schbass kosdad 2,5 Milliona Euro und 500.000 will er iwer sogenannda "Genussscheina" iewa jewals dausend Euro finanzian. Ongeblich grichd ma dann in Joa fir 30 Euro des guda Bia. Di Sanierung wed hald ned billich sa, wall des ganza St. Schorch ja undan Denkmolschuds felld un do derfsd ja bluß dahaldn. Er machads ja aa bluß aus Tradizjon un wall er sich seina Eldan vapflichd filld, da Vadda woa ja a Begg un Breia in an. Iech erinna mich nuch genau, als mia zwaa as letzda mol drin worn, fufza Bia hosd ghabt und die gudn Siedweschd hosd gessn ghad.

[Eckes]

maand ihr ebba denn ardiggl do:

maddines, du bisd ein Godd!

[Sid]

Auf www.nordbayerischer-kurier.de stehd der Ardigl aa. Do häddsd da des sgenna schboarn kenna.
Die Idee finn ich ned schlecht, so wie des Kommun-Bräu in Kulmboch. Oba an Dausnda mussd erschd amoll inwesdiern kenna...

[Eckes]

Ibrigens, wer na Gedschl nimma kennt, des woa domols sei Nochruf im Februar 2000. Meisdens hodda nembei aana graachd, Ernde23 woa sei Marggn.



Unvergessliche Szene in der Gaststätte Goetschel:
Ein Stammtischler (nennen wir ihn Heiner) nach dem ca. 17. Bier: "Horch Ewald, iech griechad etz a Dungls. Ewald, a Dungls, hosd gheerd?"
Ewald: "Iech hob ka Dungls! Herrgodd, wie ofd denn nuch, iech hob ka Dungls"
(Szene wiederholt sich mehrmals)
Ewald ca. 10 Minuten später hinterm Tresen zu seiner Frau Hansi. Beide stehen bei einer Zigarette zusammen, leicht grummelig wie immer: "der Bleedl, der wass ganz genau, dass iech ka Dungls hob. Oba er wollds ja ned annersch. Etzad hob ich nan hald a Normols gem, und aweng Kaffee neigrierd, der mergds doch eh nimma. Haupdsach es sichd aweng schwarz aus, dann isser doch eh widda zufriedn"
Hansi: "hosd scho rechd ghad, Ewald"

[der leu]

Mei, wär des scheee! Gibds dann aa amol a Dunkles??

[martinez]

Auf www.nordbayerischer-kurier.de stehd der Ardigl aa. Do häddsd da des sgenna schboarn kenna.

des is duch ned sgennd. sufill erbad um die zeid mach iech mir duch ned. iech hob duch des iebäiber vu dem bläddla...

[Sid]

Du waasd obba scho, dass des, wossd do onlein leesn konnst under Kobbireid schdehd und ned einfoch kobiert wern derf.... oba, so wie ich des Eindrech aus annern Forn endnehm, nimmstas Du do eh ned so genau, oda?

[sam]

在日本發展商業存在

日本消費者信賴

吸引更多日本合格的重點潛力客戶

改進日文搜索引擎的結果

在日本的市場取得更大的成功

[Eckes]

Alla Ardiggl iewern Getschl und sei Werdshaus ham ka cobbireid, dei senn von allgemeinem Indresse --> des is vagleichboa mid die Gefahrnmeldungen, die vo denn Weddadiensd do kumma und diesd alla boa Doch aufn Wideodext aufn Bairischn lessn kossd, wo imma drundastihd, dassd deina Nochboan, die ka deidsch kenna oda sunsdwie hald net lesn kenna, wos was iech, aa bescheid sogn sullsd. Iech hob des middlawaln asu gmachd, dass iech in mein Schlud a Gleckla neighänght ho, un iech bimml dreimol, dann wissn alla Nochborn, auwedda es kummd etz glei a Wedda, wenn sas nonich gseng ham scho om Himml. Wenn iech etzadla meinwegn finfmol glinggl, dann wissn sa, auwei, do is aans gschdorm, den ma kennd hod, meindwegn domols da Schdrauss oda der Babsd do letzss Joa. Oda dinna Deiana domols in den Dunnell mid den Audo.
Un des gleicha gild fe die Gedschl-Adiggl. Es stehd meines Wissens sugor ausdrigglich unda Schdrof in Bareid, sie ned weiderzuleidn, also ich maan etzadla wennsd die Gedschl-Adiggl meindwegn dein Nochboa Gerch verschweigsd, ko di der ozeign, dann kosd sugar ins Zuchdhaus kumma für bis zu finf Joa, hot mir letzens aana bein Friseer Schusda verzilld. Iech hob des zuerschd ned glaam megn, oba dea hod dann vazilld, dass sei Schwocha ann kennd, der erwad scheinboa bei da Bolizei, un die missn scho a boa Leid deswegn einbuchd hom.

[Eckes]

Iech wär ja eh dafir, dass mir do demnächsd amol an eigna - wie haasd des do af englisch do - Sred do aufmachn denn, wussd dich aweng ausdauschn kennasd iewas agduella Schdodgwaaf, wos aweng neis gibd, wer gschdorbn is, des wäa grod für die Wochenendbareida a sehr dankbora Sach, wennsd ned alla Forz long dahaam orufn derffsd fir a Haufn Geld, um jedn Doch widda zu frogn, wer isn gstorbn oda wosn aweng neis gibd.

Oda meindwegn, wär fasd nuch bessa, wennsd meindwegn sugoa so a Ord Sred eirichsd "agduella Warnhinweise": mir ham ja etzadla gseng, es wohnd a jeda vo uns a bissla wuanaschd in unnern schenn Bareid, dassd meinadwegn sogsd, wenn da di schdefano driem in Meyarnberch wohnd, und do driem schdidd des Gwidda scho on schwazn Himml un as hogld vielleichd scho Kerna su gruss wie Daubneia, dass der dann meindwegn neischrebbd "Obochd dud eiara Audo nei un sochd da Danda Kunni bescheid, dei nu hindn in Gaddn schdidd, aweng schweaheerich is un mid da Nochbora gradschd, ned dass nu vo die Daumeia daschlogn wedd".
Oda wenn iech sich, auweia von Oschnberch kummds desmol widda ganz schwaz her un in da Maaau hods vielleichd scho widda a boa Baama umghaud wies in ledznd Joa da Fall woa, dann kennad iech Alarm schlogn. Oda meindwegn, a boa wenns nuch wissn als domols in Sophiendol dei Schaumstofffobrig brennd hod un dei schwazn gifdichen Wolggn senn iewa die holba Schdodd zogn, suwas maan ich etzadla. Oda wenns joa - Godd bewahre - amol ewwa in Indudriegebied an Unfall oda suwas gehm sollde. Und wenn da Leu, dea wohnt direggd bein Josephsblodz, meindweggn um zwaa Nomiddoch in die Metzgarei Imhof gidd und sichd auweia dei hamm kann selbagmachdn Presssog mea do heid, wal heid Voamiddoch aana vo da Dädarä - so aana die eh ausgseng hod wie a Öldanga aussa Kondroll - zehn Kilo auf aamol gkaffd hod, dann kennad as aa neischreim. Oda meindwegn wenna vo seina Budn aus sichd, ach guda Godd, drundn auf da Greizung hod da Ongl Heina mol widda Gas und Bremsn vo sein Audo vawechsld und etzadla senn glei siem Audo deswegn zammgstußn, dassd schrebbst brauchda goa nimma nei fohrn iewer dei Greizung, da Schdau schdedd bis vor zu da Bohnhufschdross.

[Mitch BT]

@Sid: Ledzde Verwarnung

kobiert

Wassd scho, wecha dem hardn "d" omm Schluß!

[schorschla]

alla an schlooch ihr seid so debberd. ober a draam

[Sid]

@Sid: Ledzde Verwarnung

kobiert

Wassd scho, wecha dem hardn "d" omm Schluß!

Au weddanai, des muss iech iebasäng hom. Iech hobs nämlich am Ofang mid an "G" gschriem ghabd, oba, do hods so ausgschaud, wies die Saxn schbrechn...

[Sid]

@ Egges: Beidräch: einmolich! Iech hau mi weg!
Oba die Idee is ned schlechd! Iech blädier fier a eichns Forum mid dem Nooma "Allchemeins Gwaaf". Do därf dann bluß Baraidarisch gschriem wern und kumma alle Neigkeidn aus Baraid nei, die nix mid da Oldschdod zum du hom.